22 persona mbetën të vrarë dhe 60 u plagosën pas të shtënave masive me armë në tre lokacione të ndryshme në qytetin Lewiston të shtetit Maine. Të shtënat janë regjistruar në Sparetime Recreation, Schemengees Bar & Grille Restaurant dhe një qendër shpërndarjeje Walmart. Viktimat janë të moshave të ndryshme, duke përfshirë edhe adoleshentë.
Sulmuesi është identifikuar si Robert Card 40 vjeç i cili është një ish-instruktor i armëve ushtarake. Robert u trajnua nga ushtria amerikane në një strukturë ushtarake në qytetin e Saco, Maine. Ai kishte kaluar kohë në një qendër të shëndetit mendor në verën e vitit 2023 dhe kishte kërcënuar se do të kryente vrasje.
Mediat vendase konfirmojnë se agresori është ende në arrati ndaj dhe autoritetet ju kanë bërë thirrje qytetarëve që të mos dalin nga shtëpitë e tyre në mënyrë që të shmangin një tragjedi tjetër.
Presidenti amerikan Joe Biden ka ofruar mbështetje të plotë federale.