Ëndërrat dhe makthet e natës janë një pjesë natyrale e jetës së njeriut. Por ka raste kur ato tregojnë diçka që nuk shkon.
Më poshtë janë disa nga rastet e sëmundjeve që paralajmërojnë makthet.
Çrregullimet mendore
Makthet e shpeshta mund të jenë një simptomë e skizofrenisë, çrregullimeve të personalitetit, depresionit dhe panikut.
Një pjesë e mirë e personave që vuajnë nga depresioni dhe ankthi shohin makthe rregullisht natën.
Efekt anësor i medikamenteve
Makthet mund të jenë një efekt anësor i disa medikamenteve të caktuara.
Bëhet fjalë kryesisht për ilaçet kundër depresionit dhe ato që stabilizojnë humorin.
Në këtë kategori futen edhe ilaçet për tensionin e gjakut, ato kundër alergjisë dhe barnat e gjumit.
Problemet me frymëmarrjen
Mungesa e gjumit ndikon në cilësinë e ëndrrave megjithatë makthet mund të shkaktohen edhe nga problemet me frymëmarrjen.
Një nga këto është apnea e gjumit e cila i lë njerëzit pa gjumë, por edhe në ato raste që ata janë në gjendje të flenë shohin makthe.