Kryeministri Edi Rama ka bërë me dije se gjatë mandatit të tij qeverisës paga minimale do të rritet edhe dy herë. Që do të thotë se do të shkojë deri në 45 mijë lekë, nga 38 mijë që ka qenë objektiv, ka shkruar kreu i qeverisë.
“E kemi nisur nga vendi i fundit në rajon për nivelin e pagës minimale, ndërsa me rritjen e fundit ngjitemi në vendin e tretë baraz me Maqedoninë e Veriut, duke lënë pas Bosnjë-Hercegovinën dhe Kosovën.
Do të bëjmë edhe dy rritje të tjera për ta mbyllur këtë mandat me pagë minimale 45 mijë lek, nga 38 mijë që ishte objektivi ynë elektoral, por që s’merrte parasysh inflacionin e luftës së Putinit për të gjunjëzuar ekonomikisht mbarë Europën!
Ndërkohë kjo rritje përtej parashikimeve e pagës minimale imponon edhe rritjen e pagës mesatare për të riekuilibruar piramidën e pagave, çka do të bëhet njëkohësisht në muajin prill”, shkruan Rama,
Ai ka pasur edhe një përgjigje për të gjithë ato që kërkojnë që paga minimale të bëhet 70 apo 80 mijë lekë. Ajo tha se kjo bëhet mbi bazën e disa llogaritjeve, jo sipas dëshirës.
“Disa komentojnë se paga minimale duhet të bëhet 70 apo 80 mijë lekë, por përllogaritja e pagës minimale bazohet në produktivitetin ekonomik dhe konkurueshmërinë, jo në dëshirat tona (asnjë vend i rajonit nuk e ka një minimum të tillë). Çdo rritje artificiale e saj sjell me shpejtësi pasoja destabilizuese për ekonominë, punësimin, financat e vendit”, shkruan Rama.
Paga minimale është 40 mijë lekë.
