Kryeministri i Malit të Zi për pak është përfshirë në një aksident automobilistik. Siç raportojnë autoritetet vendase, makinës tip “Mercedes” nuk i kanë funksionuar frenat. Lajmin e ka konfirmuar për Vijesti Ministria e Punëve të Brendshme (MPB).
Ngjarja ka ndodhur më 31 korrik dhe Abazoviç në atë kohë ishte në një vizitë zyrtare në Tivat. Abazoviç, pasi automjeti është ndalur në anë të rrugës, nga eskorta është zhvendosur në një veturë tjetër dhe që nga ajo kohë ka përdorur një veturë tjetër zyrtare, “Audi”.
Nga MPB thonë se kontrollet e deritanishme tregojnë se bëhet fjalë për një problem për shkak të vjetërsisë dhe kilometrazhit të konsiderueshëm që ka kaluar automjeti.
“Ne jemi të bindur nga kontrolli i deritanishëm se defekti i automjetit ka ardhur për shkak të vjetërsisë dhe kilometrazhit të konsiderueshëm, por edhe se më parë nuk ka pasur tregues që do të tregonin se një defekt i tillë mund të ndodhte në automjetin e përmendur”, thotë MBP.