Ky filmim dëshmon një tjetër skandal, që përfshin policinë amerikane me dhunën e tepruar të ushtruar ndaj pjesëtarëve të komunitetit afro-amerikan.
Në video shfaqen momentet kur një njësi prej 4 efektivësh të policisë së Çikagos derdhin një lum plumbash pistolete, plot 96 të tillë për 42 sekonda në drejtim të automjetit të 26-vjeçarit Dekster Rid.
I riu afro-amerikan nuk iu bind urdhërit për kontroll nga një patrullë që e ndaloi pasi nuk kishte vendosur rripin e sigurimit. Në video dallohet qartë që efektivët e paralajmërojnë disa herë për të dalë nga automjeti që e kishte blerë vetëm 4 ditë më parë, ndërsa 26-vjeçari kishte bllokuar derën e shoferit dhe ngriti xhamin.
Më pas, siç konstatuan hetimet, ai qëlloi me armë ndaj efektivëve duke plagosur edhe një prej tyre. Kjo bëri që policët të kundërpërgjigjen ashpër.
Rasti që ngjalli protesta të ashpra ishte ai i Xhorxh Flloidit në 2020-ën, që u vra nga policia edhe pse ishte i paarmatosur.