Mbi 200 mijë njerëz i bënë homazhe Papa Benediktit XVI gjatë tre ditëve të fundit. Sot zhvillohet ceremonia mortore e tij në Bazilikën e Shën Pjetrit dhe kjo ceremoni do të udhëhiqet nga Papa Françesku. Papa vdiq natën e Vitit të Ri në moshën 95-vjeçare, pothuajse një dekadë pasi u largua nga pushteti për arsye shëndetësore.
Mijëra njerëz pritet të marrin pjesë në funeralin në Sheshin e Shën Pjetrit, përpara Bazilikës së Shën Pjetrit, në orën 09:30 ditën e sotme. Ai do të prehet në varret poshtë Bazilikës, sipas dëshirës së tij të fundit.
