Filmi “Oppenheimer” është fituesi i madh i edicioni të 96-të të çmimeve Oscar. Ky film mori shtatë çmime, duke përfshirë filmin më të mirë dhe aktorin më të mirë që shkoi për Cillian Murphy. Filmi kishte 13 nominime. Çmimi si regjisori më i mirë shkoi për Christopher Nolan. Po ashtu u vlerësua edhe montazhi i këtij filmi si dhe muzika.
Emma Stone u vlerësua si aktorja më e mirë për rolin e saj në “Poor things”, i cili gjithashtu fitoi disa çmime. Barbie, filmi me fitimin më të madh të vitit të kaluar mori vetëm një çmim për këngën më të mirë origjinale të shkruar nga Billie Eilish dhe vëllai i saj Finneas.
Kjo ishte një natë historike, pasi Ukraina fitoi Oscar-in e parë me dokumentarin më të mirë “20 ditë në Mariupol” dhe Britania e Madhe fitoi çmimin për filmin më të mirë ndërkombëtar për “The Zone of Interest”.
