Ushtria amerikane thotë se një udhëheqës i lartë i grupit xhihadist të ISIS i cili ishte përgjegjës për planifikimin e sulmeve në Evropë është vrarë në Siri. Khalid Ajdd Ahmed al-Jabouri vdiq në një vend që ende nuk bëhet publik, sipas komandës qendrore të SHBA, e ndërsa për fat të mirë asnjë civil nuk është plagosur gjatë sulmit me dron.
Komanda Qendrore e SHBA tha se vdekja e Khalid al-Jabouri do të prishte përkohësisht aftësinë e ISIS -it për të përgatitur sulme të jashtme.
Koalicioni shumëkombësh i udhëhequr nga SH.B.A.-ja kundër ISIS-it ka kryer një seri sulmesh në Sirinë veriore në muajt e fundit duke synuar anëtarët e lartë të ISIS dhe Hurras al-Din, që besohet të jetë dega e Sirisë e al-Kaedës.
ISIS -i dikur kishte 88.000 km2 territor që shtrihej nga Siria Perëndimore deri në Irakun lindor dhe u vuri sundimin brutal pothuajse ndaj tetë milionë njerëzve.
Ajo u shty nga pjesa e fundit e territorit të saj më 2019, por OKB paralajmëroi muajin e kaluar se kërcënimi i paraqitur nga grupi dhe bashkëpunëtorët e tij ishte i lartë dhe u rrit në veçanti në zonat e konfliktit dhe vendet fqinjë.
ISIS -i vlerësohet të ketë 5,000 deri në 7,000 anëtarë dhe përkrahës të përhapur midis Irakut dhe Sirisë, gati gjysma e të cilëve janë luftëtarë.
Luftëtarët janë bazuar kryesisht në zonat rurale dhe vazhdojnë të kryejnë sulme, prita dhe bomba në rrugë.
