Një zëdhënëse e Zyrës për të drejtat e njeriut të OKB tha se ka sinjale që disa palestinezë po kthehen në shtëpitë e tyre, pasi Izraeli po kryen sulme ajrore tani edhe në jug të Rripit të Gazës.
Ravina Shamdasani tha se janë shumë të shqetësuar që sulmet e ashpra ajrore të forcave izraelite në mbarë Gazën, përfshirë në jug. “Sulmet, të kombinuara me kushtet e rënda të jetesës në jug, duket se kanë shtyrë disa që të kthehen në veri, pavarësisht se në atë zonë po vazhdojnë bombardimet e ashpra”, ka thënë ajo.
Zyra për të drejtat e njeriut e OKB-së ka dëgjuar informacione se njerëzit po presin që të kthehen në veri, pasi duan të qëndrojnë në shtëpitë e tyre pavarësisht luftës.
Pas sulmeve vdekjeprurëse të Hamasit ndaj Izraelit, autoritetet izraelite rrethuan Gazën dhe urdhëruan banorët në veri të zhvendoseshin në jug ku janë zhvendosur mbi 1 milion palestinezë.