Në Turqi grupet e punës kanë nisur heqjen e maleve me inerte që lanë pas tërmetet shkatërrimtare të 6 shkurtit që shkaktuan shembjen e mijëra ndërtesave. Ndërkohë programi i Kombeve të Bashkuara për Zhvillim ka premtuar se do të mbështesë Turqinë në heqjen e rrënojave dhe menaxhimin e mbeturinave në një mënyrë të sigurt për mjedisin.
Nga ana tjetër të gjitha strukturat qeveritare në Turqi janë të angazhuara për t’u ofruar ndihmë e mbështetje mijëra personave që mbetën të pastrehë nga shembja masive shembja e banesave nga tërmetet shkatërrimtare.
Presidenti turk Rexhep Taip Erdogan ka deklaruar se ndërtimi i shtëpive të reja për të pastrehët e tërmetit do të fillojë në muajin mars dhe do të përfundojnë për 1 vit.
Autoritetet turke deklaruan të enjten se numri i viktimave ka arritur në 43 556, ndërsa në Sirinë që gjithashtu u godit nga tërmeti janë raportuar mbi 5800 të vdekur. Numri total i jetëve të humbura nga tërmetet e 6 shkurtit ka shkuar në rreth 50 mijë persona.