Neymar Jr do të luajë me fanellën e skuadrës arabe Al-Hilal. Marrëveshja u arrit më 15 gusht, ndërsa ceremonia e prezantimit të ish-futbollistit të PSG-së do të bëhet në fund të javës.
Sipas kushteve të marrëveshjes së tij të re, ish-sulmuesi i Barcelonës ka siguruar një kontratë dyvjeçare që parashikohet të sjellë të ardhura vjetore deri në 100 milionë dollarë.
Teksa foli për transferimin e tij në Al-Hilal, Neymar tha se kërkon të shkruajë historinë e tij me Ligën Pro Saudite, ashtu siç ka bërë në Evropë.
“Kam arritur shumë në Evropë dhe kam shijuar momente të veçanta, por gjithmonë kam dashur të jem një lojtar global dhe të provoj veten me sfida dhe mundësi të reja në vende të reja. Unë dua të shkruaj histori të re sportive, dhe Liga Pro Saudite ka energji të jashtëzakonshme dhe lojtarë cilësorë për momentin”, tha Neymar Jr.