Nga muaji maj, konsumimi i kanabisit në publik në lagjet me drita të kuqe të Amsterdamit nuk do të lejohet më.
Kjo masë drastike për Amsterdamin vjen pas ankesave të banorëve lidhur me turistët që i vizitojnë këto rrugica pasi ndihen të frikësuar dhe të kërcënuar. Në lidhje me këtë problem është marrë edhe vendimi që këto lagje ‘t’i fikin’ dritat në orën 3 të mëngjesit.
Mediat lokale raportuan se pothuajse të gjithë këshilltarët mbështetën marrjen e masave për të reduktuar shqetësimin për banorët. Këshilli do t’u kërkojë shitësve që të heqin plotësisht alkoolin nga vitrinat e tyre gjatë asaj kohe. Vitin e kaluar, rreth 18 milionë turistë u kthyen në Amsterdam pas heqjes së kufizimeve COVID-19.
Amsterdami është i njohur për kafenetë e tij dhe konsumimin e kanabisit si dhe tërheq miliona turistë në vit.