Një burrë në Japoni, pak momente para se të vdiste, ka pohuar se ishte terroristi i kërkuar prej dekadash Satoshi Kirishima, është me të vërtetë ai, ka treguar një test i ADN-së që iu nënshtrua.
Kirishima pohoi në polici se ishte në kërkim që nga vitet 1970 për përfshirjen në një grup kriminal.
“Dua ta takoj vdekjen me emrin tim të vërtetë”, kishte thënë ai.
Edhe pse fytyra e Kirishimës u shfaq në posterat e kërkuar, nuk dihet se si ai arriti të mbetet i pazbuluar për kaq shumë vite, raporton BBC. Edhe fqinjët e tij u habitën që “burri i qetë dhe serioz” që jetonte pranë tyre ishte në kërkim.
Kirishima ishte përfshirë në një grup terrorist që vendosi bomba në disa kompani në mesin e viteve 1970. Në një nga sulmet, në Mitsubishi Heavy Industries, tetë persona u vranë dhe më shumë se 150 u plagosën. Ai nuk u arrestua kurrë, por arriti të jetonte nën një pseudonim, pa e gjetur autoritetet.
Mediat japoneze raportuan se ai jetonte në qytetin Fujisawa, afër Tokios, me emrin Hiroshi Uchida. Ai punonte për një kompani ndërtimi dhe paguhej me para cash për të shmangur zbulimin.
Ai nuk kishte celular, nuk kishte patentë shoferi dhe as sigurim shëndetësor.
