Drejtuesi i koalicionit ‘Aleanca për Shqiptarët’ në zgjedhjet e fundit në Malin e Zi, Genci Nimanbegu ka dhënë dorëheqjen nga posti i deputetit. Mediat malazeze bëjnë me dije se Nimanbegu në një letër drejtuar Parlamentit, ka deklaruar se e ka dhënë dorëheqjen për arsye politike dhe etike.
Ai u zgjodh deputetet në zgjedhjet e fundit që u zhvilluan më 12 qershor. Konstituimi i Parlamentit në Malin e zi pritet të bëhet brenda kësaj jave. Nimanbegu u zgjodh deputet në zgjedhjet parlamentare të vitit 2009 dhe më pas në zgjedhjet e vitit 2012 dhe 2016. Ai ka qenë më herët edhe nënkryetar i Kuvendit.