Situata nuk po njeh përmirësim! SHBA ka paralajmëruar për mungesa të ilaçeve jetike, ushqimit dhe ujit në Sudan. Për këtë arsye ka dërguar ekspertë të reagimit ndaj fatkeqësive në rajon e ndërsa nga ana tjetër ka intensifikuar përpjekjet për të evakuuar diplomatët e huaj dhe shtetasit amerikanë nga Khartoumi.
Numri i të vdekurve në Sudan ka kaluar 420, duke përfshirë 264 civilë dhe më shumë se 3,700 janë plagosur, shifra këto të bëra publike nga disa OJQ-ve lokale dhe ndërkombëtare. Megjithatë, shumë analistë besojnë se numri i vërtetë i vdekjeve dhe plagosjeve është shumë herë më i lartë pas 9 ditësh luftë.
Të gjitha armëpushimet e paralajmëruar nuk janë mbajtur, as ai i përcaktuar për festimet e Fiter Bajramit.
Luftime të ashpra shpërthyen mes forcave të armatosura të udhëhequra nga Gjenerali Abdel Fattah al-Burhan dhe Forcës së Mbështetjes së Shpejtë, RFS, të udhëhequr nga gjenerali Mohamed Hamdan Dagalo, i njohur edhe si Hemedti.
Konflikti ka nisur për shkak se palët nuk po bien dakord mbi mënyrën se si do të përfshihen në ushtri forcat paramilitare ndërsa synohet krijimi i një qeverie kalimtare. Që prej puçit ushtarak të vitit 2021, Sudanin e kanë udhëhequr gjeneralët ushtarakë.