Karakteristikat si pamja ose aroma mund të luajnë një rol kyç në përshtypjen tonë të parë për dikë, por nuk janë ato që do të vendosin nëse do dashurohemi me ta. Në fakt, sipas një studimi, 80% e pjesëmarrësve u përgjigjën se një kriter “i nevojshëm” ose “shumë i rëndësishëm” në zgjedhjen e një partneri është niveli i tij i inteligjencës.
Në fakt, 89% do të donin të ishin të përfshirë në mënyrë romantike me dikë që është “dukshëm” më i arsimuar ose inteligjent se ata.
Por pse jemi kaq të magjepsur nga inteligjenca – si tek meshkujt ashtu edhe tek femrat? Sepse shpesh shoqërohet me përfitime të tjera si sensi i humorit, kreativiteti, aftësitë sociale, aftësia për të zgjidhur problemet dhe gjithashtu avantazhi për të pasur të ardhura më të larta.