Nga Lira Gjika
Specialistët kanë konstatuar që shpeshherë prindërit zgjedhin fjalitë e gabuara për të qetësuar një fëmijë tekanjoz apo që grindet. Sipas tyre, këto shprehi jo vetëm që nuk kanë asnjë lloj ndikimi tek ai, por mund të përkeqësojnë gjendjen e tij.
Më poshtë gjeni 16 fjali që nuk duhet t’i përdorni, dhe pse janë të parat që ju vijnë në mend.
- Mjaft i hodhe gjërat përtokë.
- Fëmijët e rritur nuk sillen kështu.
- Mos guxo të gjuash.
- Po sillesh shumë keq.
- Tani do të të dënoj.
- Shko laj shpejt dhëmbët.
- Ha ose do të shkosh të flesh pa ngrënë.
- Mjaft, fëmijë qaraman!
- Pusho, nuk të dëgjoj.
- Sa herë duhet ta përsëris?
- Po më turpëron në sy të të tjerëve.
- Ik që këtu!
- Do të të çoj në banjë.
- Mjaft bërtite!
- Të kisha thënë, por nuk dëgjon.
- Po humbas durimin.
Këto shprehje janë organizuar në fjali urdhërore. Fjalia urdhërore krijon te njeriu gjendje alarmi dhe jo qetësie, si në rastin e fjalisë dëftore. Gjithashtu tregon që i rrituri ka humbur durimin, përton të qetësojë veten dhe të ndihmojë fëmijën të superojë këtë situatë. Si rrjedhojë rrituri “i bie shkurt”, urdhëron dhe kërcënon, shpjegon Lira Gjika./Living/