Sipas një studimi të fundit të kryer nga Instituti Finlandez i Shëndetit dhe Mirëqënies dhe Universiteti i Turkut, çrregullimet e zakonshme të gjumit të foshnjave bien nga mosha dy vjeç e tutje. Gjatë kësaj kohe, koha që i duhet foshnjës për të rënë në gjumë reduktohet në rreth 20 minuta te 6 muajshit, ndërsa nga mosha dy foshnja zgjohen mesatarisht vetëm një herë gjatë natës.
Në të njëjtën kohë, kohëzgjatja totale e gjumit reduktohet në rreth 12 orë në ditë, pasi gjumi i ndërmjetëm gjatë ditës reduktohet. Duke arritur moshën dyvjeçare, fëmijët kanë formuar një rutinë gjumi të qëndrueshëm.
Megjithatë, siç tregohet nga të dhënat e siguruara nga prindërit e 5,700 fëmijëve, ka ndryshime të ndjeshme subjektive në cilësinë e gjumit të foshnjave dhe fëmijëve të vegjël, me prindërit të shqetësuar nëse gjumi i fëmijëve të tyre është normal apo jo. Rreth 40% e prindërve të fëmijëve tetë muajsh që morën pjesë në studim thanë se ishin në ankth për gjumin e fëmijës së tyre.
A ka një gjumë ideal për foshnjën?
Sipas Juulia Paavonen, studiuese kryesore në Institutin Finlandez të Shëndetit dhe Mirëqenies, qëllimi kryesor i studimit ishte të hetonte se si përparon gjumi te fëmijët gjatë dy viteve të para të jetës, pasi deri tani nuk kishte një bazë të gjerë të dhënash për të formuluar një model specifik për gjumin ideal të foshnjave.
“Ne tani e dimë se dallimet subjektive janë shumë të mëdha dhe se modelet e lidhura me gjumin, zgjimin, kohën kur fëmija rri zgjuar gjatë natës dhe orari i gjumit po evoluon me norma të ndryshme”, tha ajo.
Së dyti, studimi u përpoq të theksonte madhësinë e dallimeve në karakteristikat individuale të gjumit të foshnjave, me kusht që ato të binin në kufijtë e zhvillimit normal të fëmijës. Në këtë mënyrë, ndoshta prindërit do të heqin qafe shqetësimet e panevojshme dhe kështu do të jenë në gjendje të përqendrohen te problemi i vërtetë, çrregullimet e gjumit.
Si dr. Paavonen, është e vështirë të japësh një udhëzim të përgjithshëm mbi kohën e përgjithshme të gjumit që foshnja ka nevojë, ndonëse gjumi i mjaftueshëm konsiderohet i rëndësishëm për mirëqenien e fëmijës. Kohëzgjatja e gjumit të kërkuar varet nga shumë faktorë.
Në mënyrë treguese, studiuesi vëren se nëse foshnjave deri në 8 muaj u duhen më shumë se 40 minuta për të fjetur, është më mirë të kërkojmë këshillën e një specialisti. E njëjta gjë vlen edhe nëse një fëmijë 6 muajsh zgjohet tre ose më shumë herë gjatë natës, ose kur rri zgjuar gjatë natës për periudha të gjata kohore.
