Ish-trajneri i Anglisë, Sven-Göran Eriksson ka zbuluar se është diagnostikuar me kancer terminal dhe siç pohoi, i ka mbetur rreth një vit jetë.
Eriksson, i cili drejtoi Anglinë për pesë vjet përpara se të largohej pas Kupës së Botës 2006, u largua nga posti i tij më i fundit si drejtor sportiv në klubin suedez Karlstad 11 muaj më parë për shkak të problemeve shëndetësore.
75-vjeçari tha për Radion Suedeze P1 se duhet ta luftojë sa më gjatë sëmundjen.
“Të gjithë mund të shohin se unë kam një sëmundje që nuk është e mirë, dhe të gjithë supozojnë se është kancer, dhe është. Por duhet ta luftoj sa më gjatë.
E di që në rastin më të mirë është rreth një vit, në rastin më të keq edhe më pak. Ose në rastin më të mirë mendoj edhe më gjatë. Nuk mendoj se mjekët që kam mund të jenë plotësisht të sigurt”, tha Eriksson.