Teherani ka mohuar se ka gisht në sulmin me dron në Jordani që vrau tre personel ushtarak amerikanë dhe plagosi dhjetëra të tjerë. Sipas Iranit sulmet janë ndikuar nga grupet e rezistencës në rajon po i përgjigjen krimeve të luftës dhe gjenocidit.
“Siç e kemi thënë qartë më parë, grupet e rezistencës në rajon po i përgjigjen krimeve të luftës dhe gjenocidit dhe ata nuk marrin urdhra nga Republika Islamike e Iranit”, tha Ministria e Jashtme iraniane.
Presidenti i SHBA Joe Biden dhe Sekretari i Jashtëm i Mbretërisë së Bashkuar David Cameron kanë fajësuar grupet e mbështetura nga Irani për sulmin e së dielës pranë kufirit me Sirinë.
Kritikët e presidentit amerikan Joe Biden do ta shfrytëzojnë këtë krizë për të akuzuar sërish presidentin se po mban një qëndrim gjithnjë e më të butë ndaj Iranit.