Parlamenti i Irakut ka miratuar një projektligj që dënon marrëdhëniet brenda të njëjtit seks me burgim nga 10 deri në 15 vjet. Gjithashtu sipas ligjit të ri, personat transgjinorë gjithashtu mund të dënohen me burg nga 1 deri në 3 vjet.
Mbështetësit e këtij ligji thonë se po mbrojnë vlerat familjare, ndërsa grupet e të drejtave të njeriut e konsiderojnë si një tjetër pikë e zezë në të dhënat e Irakut të shkeljeve ndaj personave LGBT.
Ata që promovojnë homoseksualitetin ose prostitucionin, mjekët që kryejnë operacione të ndryshimit të gjinisë, burrat që sillen “qëllimisht” si gra, gjithashtu do të përballen me dënime me burg sipas legjislacionit të ri.
Deputeti Amir al-Maamouri tha për median “Shafaq News” se ligji i ri ishte një hap i rëndësishëm në luftimin e devijimit seksual duke pasur parasysh infiltrimin e rasteve unike që kundërshtojnë vlerat islame dhe shoqërore.
