Cristiano Ronaldo është pezulluar nga komisioni i disiplinës i Ligës Pro të Arabisë Saudite. Ylli portugez është sanksionuar pas gjestit të tij ndaj tifozëve të Al Shabab gjatë ndeshjes së luajtur të dielën e kaluar. CR7 ishte protagonist i një gjesti të turpshëm ndaj tifozëve kundërshtarë. Gjatë festimit, ai vuri duart në pjesët intime si kundërpërgjigje ndaj thirrjeve provokuese të tifozëve me emrin e Messi.
Pasi vuri dorën në vesh, pas golit, Cristiano Ronaldo bëri veprimin që në arabi konsiderohet imoral dhe kjo i kushtoi skualifikimin me një ndeshje dhe gjobë. Ai do të duhet të paguajë një gjobë rreth 2,500 euro deri në 5,000 euro gjithashtu për Al Shabab për koston e apelit të paraqitur tek gjyqtari. Aspak mirë për imazhin e portugezit, i cili nuk mundi të përmbahej dhe ra në provokimin e tifozëve kundërshtarë.
