Adrian dhe Marte, dy sipërmarrës me origjinë nga Meksika, kanë zhvilluar një ‘lëkurë’ vegane të quajtur “Desserto” nga Kaktusi.
Ky material eco-friendly ngjan shumë me lëkurën tradicionale të kafshëve në pamje dhe strukturë, megjithatë prodhohet pa dëmtuar kafshët ose mjedisin. Gjethet e kaktusit të rritur në mënyrë organike i nënshtrohen një procesi të përpiktë, duke përfshirë korrjen, pastrimin dhe tharjen në diell për tri ditë.
Pas kësaj, gjethet përpunohen në një pluhur dhe kombinohen me një formulë të veçantë për të prodhuar këtë zëvendësues inovativ të lëkurës. Raportohet se kjo shpikje e dy të rinjve ka shpëtuar jetën e rreth 1 miliardë kafshëve të cilat do të ishin vrarë për t’u përdorur për veshje.
