Serbia nuk do të që të përballet me Shqipërinë në fazën e grupeve në Euro 2024, ndryshe nga kuqezinjtë që janë shprehur në gatishmëri për të luajtur kundër Beogradit.
Presidenti i Federatës Serbe të Futbollit, Dragan Dzajiç, deklaroi në një intervistë se nuk dëshirojnë që të luajnë në fushë kundër Shqipërisë, pasi sipas tij mund të shkaktohen probleme.
“Cilido që e përcakton shorti do të jetë kundërshtar i vështirë. Nuk mund të them tani që vetëm të mos e kemi Gjermaninë, Spanjën apo Francën. Janë të vështirë, gjithashtu edhe Rumania, Zot mos lejo që të na bie Shqipëria. Të gjitha mund të na shkaktojnë probleme”, ka thënë ai.
Për herë të fundit këto dy skuadra janë përballur në kualifikueset e Euro 2016 me ndeshjen e zhvilluar në Beograd që u ndërpre për shkak të trazirave dhe iu akordua fitore në tavolinë Shqipërisë nga CAS i Lozanës.