Presidenti i Turqisë, Recep Tayyip Erdogan, i bëri thirrje Izraelit që t’i japë fund menjëherë sulmeve në Gazë, pasi forcat izraelite intensifikuan sulmet ajrore, detare dhe tokësore në Rripin e Gazës.
“Bombardimet izraelite në Gazë u intensifikuan mbrëmë dhe sërish shënjestruan gra, fëmijë dhe civilë të pafajshëm, duke përkeqësuar krizën humanitare”, shkroi Erdogan në X, që më herët njihej si Twitter. “Izraeli duhet që menjëherë të ndalë këtë çmenduri dhe sulmet e tij”.
Izraeli është zotuar për pushtim tokësor të Gazës pasi militantët e Hamasit më 7 tetor kryen sulme në jug të Izraelit duke vrarë mbi 1.400 persona dhe duke marrë mbi 200 pengje.