Këshilli për të Drejtat e Njeriut i Kombeve të Bashkuara ka votuar për të dënuar incidentet e fundit të djegieve të Kuranit. Shumë shtete refuzuan ta mbështesnin rezolutën, të frikësuar se kjo mund të cenojë lirinë e shprehjes. Kështu, votimi solli më shumë ndasi se bashkim. Shtetet e Evropës dhe Amerikës shprehën nevojën për një rezolutë më të fortë, përmes një vendimi unanim.
Pakistani dhe shtete të tjera të Organizatës për Bashkëpunim Islamik nisën debatin dhe rezolutën pasi një refugjat irakian dogji faqe të Kuranit pranë xhamisë kryesore në Stokholm gjatë muajit të kaluar. Ky incident nxiti reagime të ashpra nga shtetet myslimane të të gjithë botës.
Për rezolutën votuan 28 shtete, 12 ishin kundër dhe shtatë abstenuan.
Britania, Shtetet e Bashkuara, Franca, Gjermania, Kosta Rika dhe Mali i Zi votuan kundër rezolutës.