Ndikimi pozitiv i solidaritetit të ofruar nga Greqia për Turqinë, pas tërmetit prej 7.8 Rihter u konfirmua sot nga Ministri turk i Punëve të Jashtme, Mevlut Çavuşoglu. Ai tha se pas kësaj ngjarjeje ka nisur në epokë e re.
“Me tërmetin hapëm një faqe të re me Greqinë”, tha ai.
Faqja e re për marrëdhëniet mes dy vendeve nisi fillimisht me misionin e EMAK- ut grupit të kërkim shpëtimit grek, por edhe vizitës së Nikos Dendias në Antioki, një ditë më parë.
Vizita Dendia ajo që e vuri përsëri në shina “diplomacinë e tërmeteve” midis Greqisë dhe Turqisë. Tashmë, nga aeroporti, të dy ministrat e jashtëm patën një përqafim të ngrohtë ndërsa në deklaratat e tyre treguan se Athina dhe Ankaraja mund të jenë të gatshme të lëvizin në një fazë të re të marrëdhënieve dypalëshe.
“Ne nuk duhet të presim për një tërmet për të përmirësuar marrëdhëniet midis nesh,” tha ai.
“Falenderova Nikos Dendias, Ministër i Punëve të Jashtme të Greqisë, për mbështetjen dhe solidaritetin e shtetit grek dhe popullit grek pas tërmetit shkatërrues. Greqia ishte një nga vendet e para që ofroi ndihmë për Turqinë. Në këto kohë të vështira, një fqinj që zgjat dorën e ndihmës është një fqinj i vërtetë,” kishte shkruar Çavuşoglu.
