Federata venezueliane e Futbollit ka akuzuar policinë peruane për racizëm pas dhunës ndaj një prej futbollistëve të kombëtares.
Të dyja përfaqësueset u ndeshën më 21 nëntor në kryeqytetin peruan Lima, me takimin që përfundoi 1-1. Lojtari i Venezuelës, Nahuel Ferraresi tha për mediat lokale se gishtat në dorën e tij të majtë u dëmtuan pasi një agjent policie e goditi me shkop gome në dorë. Lojtari po përpiqej që të afrohej me tifozët venezuelianë pas takimit.
Presidenti i vendit Nikolas Maduro ishte shumë i ashpër me shtetin peruan.
‘Ksenofobia e Asaj oligarkie raciste të Perusë ka shpërthyer kundër ekipit tonë kombëtar të futbollit. Venezuela ngre zërin për të protestuar kundër ksenofobisë, dhunës dhe agresionit kundër lojtarëve tanë. Kjo tregon se cilët janë peruanët në të vërtetë’, u shpreh presidenti i Rusisë, Nikolas Maduro.
Venezuela është e vetmja kombëtare në Amerikën-latine që nuk është kualifikuar në një kampionat botëror. Në kualifikueset e botërorit 2026 përfaqësuesja ka nëntë pikë pas 6 takimesh dhe renditet në vend të katërt. 6 vendet e para të çojnë në eventin më të rëndësishëm të futbollit botëror.