Fundi i sfidës së luftuar në kampionatin holandez, Tuente-Sparta ishte mjaft i tensionuar. Polemika solli veprimi i zëvendës trajnerit të ekipit mik, që rrëzoi në tokë futbollistin kundërshtar.
Momente tensioni në Holandë, në fund të takimit të kampionatit mes Tuente dhe Spartës së Roterdamit.
Gjithçka ndodhi pas një çmendurie të ndihmës trajnerit të miqve, Jeroen Rijst-dirk në fund të sfidës e cila ishte në barazim 3-3.
Lojtarët e Tuentes tentuan që të sulmonin për herë të fundit. Plegu-ezelo vrapoi për të rikuperuar një top afër vijës anësore, afër pankinës së ekipit rival.
Zëvendës tekniku Rijst-dirk mendoi se ishte më mirë të hidhej mes këmbëve të lojtarit, për ta penguar atë që të kontrollonte topin, e të vononte lojën.
Në vazhdim, pati rrëmujë në fushë dhe asistenti i trajnerit Shtjen u përjashtua menjëherë nga loja nga arbitri. Edhe pse protagonist kërkoi falje, u deshën disa minuta që situata të qetësohej. Por rezultati mes të dyja skuadrave nuk ndryshoi me Spartën që ngelet përpara në renditjen e kampionatit holandez.