Inter Miami do të përforcohet me mesfushorin Serxho Buskets, që u largua nga Barcelona pas 18 vitesh. Spanjolli do të bashkohet me Leo Mesin, me të cilin ka bërë historinë të blaugranat.
Ish-mesfushori spanjoll i Barcelonës, Sergio Busquets do të transferohet tek Inter Mimai si futbollist i lirë. Klubi që luan në Major League Soccer lajmëroi se e ka arritur akordin me 34 vjeçarin. Në ekipin amerikan shtohet një tjetër yll, pas Lionel Messi-t.
Të dy futbollistët kanë bërë historinë te Barcelona, ku kanë fituar shumë trofe. Busquets vendosi të largohej nga blaugranat pas një qëndrimi 18 vjeçar.
Interi Miami e zyrtarizoi transferimin duke postuar një video në rrjetet sociale ku shfaq citate nga Pep Guardiola, Xavi Hernandez, Luka Modric dhe Messi duke vlerësuar mesfushorin 34 vjeçar.
Ish-kapiteni i Barcelonës, që u tërhoq nga kombëtarja spanjolle vitin e kaluar, luajti mbi 700 ndeshje për blaugrnat, ku fitoi nëntë herë La Liga-n, shtatë Copa del Rey, tre Liga Kampionesh dhe tre botërorë për klube.
