Boston Celtics zhgënjen sërish në Konferencën e Lindjes. Pavarësisht double-double të Brown, autor i 32 pikëve dhe 13 rabaundëve, Celtics u mposht nga Cleveland. Cavaliers arritën që të siguronin fitore vetëm pas kohës shtesë me shifrat 118-114, me kohën e rregullt që u mbyll 109-109. Më i miri në parket ishte Mitchell me 40 pikë, 11 rebaund e 4 asistime. Një dorë në këtë sukses të Cavaliers e luajti edhe Mobley, autor i 25 pikëve. Humbja e tretë radhazi për Celtics, ndërsa Cavaliers fitoi duelin e dytë radhazi dhe blindon biletën për në raundin playoff të NBA.
42 pikët e Embiid bënë diferencën në fitoren e Philadelphia, që korri sukses 147-143 ndaj Indiana. Kamerunasi dhuroi një performancë fantastike në sytë e 15 mijë tifozëve, duke zhvlerësuar double-double e Haliburton me 40 pikë e 16 asistime.
Spektakël nga Portland që koleksionojnë fitoren e radhës në NBA amerikan. Blazers fituan 110-104 ndaj Detroit për t’i shkaktuar kështu humbjen e 8-të radhazi. Diferencën e bëri ylli i skuadrës, Lillard, protagonist me trible-double e përbërë nga 31 pikë, 13 rebaund e 12 asistime.
Denver Nuggets kryeson renditjen në perëndim teksa në duelin e radhës likuidoi jo pa shumë probleme Toronton. Murray më i miri në parket, me 24 pikë të realizuara në fitoren 118-113, duke kontribuar kështu për Nuggets që koleksionoi suksesin e katërt radhazi.
Fitore shënoi Miami Heat, 130-128 ndaj Atlantës, ndërsa Sacramento triumfoi ndaj Pelicans me shifrat e përgjithshme 123-108.
