Beyonce mbrëmë pati një ndër netët më të rëndësishme të jetës së saj, pasi ajo theu rekordin si artistja më e dekoruar në historinë e çmimeve Grammy. Ylli i pop-it i shtoi karrierës së saj katër çmime Grammy, duke e çuar totalin e trofeve të fituara në karrierën e saj të muzikës në 32.
Pavarësisht suksesit të saj ndër vite, këngëtarja 41-vjeçare e “Break My Soul” nuk e ka fituar kurrë trofeun e albumit më të mirë me asnjë nga katër nominimet e saj në këtë kategori. Këtë herë këtë çmim e fitoi artisti britanik Harry Styles.
“Jam frymëzuar kaq shumë nga çdo artist në këtë kategori”, tha i habitur ai teksa pranoi çmimin
Në kategoritë e tjera, Bad Bunny mori çmimin për albumin më të mirë të muzikës për “Un Verano Sin Ti”.
“Dua t’ia kushtoj këtë çmim Puerto Rikos, djepit të reggaeton”, tha Bad Bunny teksa mori çmimin.
Duket thënë se shqiptarja Bebe Rexha nuk arriti të fitonte çmimin e vetëm për të cilin arriti të nominohej këtë vit. Rexha ishte nominuar në kategorinë “Kënga më e mirë ritmike/elektronike” për bashkëpunimin e saj shumë të suksesshëm “I’m Good (Blue)” me DJ David Guettan.