Bayern Munich e nisi me fitore vitin 2024! Bavarezët mposhtën Hofenhaimin në “Allianz Arena” me rezultatin 3-0 në sfidën e javës së 17 të Bundesligës. Para nisjes së takimit, rekordmenët gjermanë përkujtuan legjendën Franz Beckenbauer, i cili u nda nga jeta në moshën 78-vjeçare. Goli i parë erdhi në minutën e 18 me autor Musialan.
Gjermani realizoi golin e dytë në minutën e 70. Triumfin e bavarezëve, e vulosi Harry Kane në të 90-ën.
Sulmuesi anglez ka barazuar rekordin e Robert Lewandowskit, duke shënuar 22 gola në fazën e parë të kampionatit. Pas takimit, trajneri Tomas Tuhel vlerësoi ekipin për performancën në fushë.
‘Ky është ai rezultat që e dëshiron në nisje të vitit. Patëm një javë shumë të mirë sa i përket stërvitshmërisë. Megjithatë, ende nuk e kemi përçuar në vazhdimësi këtë vullnet dhe urinë në ndeshjet tona. Patëm nevojë për pak fat kur Manu shpëtoi dy raste të mira. Por në fund morëm një fitore të rehatshme! Punë e kryer’, u shpreh trajneri i Bayrenit.
Me këtë triumf, Bayern shkon në kuotën e 41 pikëve në renditje, ndërsa Hofenheim ka 24.