Një aksident tragjik në Cremona të Italisë i ka marrë jetën Erion Balit, 38 vjeç nga Shqipëria. Bali po udhëtonte drejt banesës në momentin kur ndodhi aksidenti.
Ai ishte baba i tre fëmijëve, njëri prej të cilëve vetëm disa muajsh.
38-vjeçari humbi kontrollin mbi mjetin dhe përfundoi në barrierat anësore të rrugës. Pavarësisht përpjekjeve të emergjencës, Bali nuk arriti dot t’i mbijetojë plagëve të marra nga përplasja.
U desh ndërhyrja e zjarrfikësve për të nxjerrë nga makina trupin e pajetë të 38-vjeçarit.
Sipas mediave vendase, Bali kishte hapur së fundmi një restorant ku punonte si menaxher.