Presidenti amerikan, Biden, u takua me të venë dhe vajzën e Navalny-t në Kaliforni, tha Shtëpia e Bardhë.
Biden u takua me familjarët e ish-politikanit të ndjerë “për t’iu shprehur ngushëllime për humbjen e tyre”, tha Shtëpia e Bardhë në një deklaratë duke shtuar se nga data 24 shkurt SHBA do të vendosë sanksione të reja ndaj Rusisë për shkak të vdekjes së Navalny.
Gjatë takimit të tij, “presidenti shprehu admirimin e tij për kurajën e jashtëzakonshme të Aleksei Navalnyt dhe për trashëgiminë e tij në luftën kundër korrupsionit dhe për një Rusi të lirë dhe demokratike”, u tha në njoftim.
Biden “theksoi se trashëgimia e Alekseit do të vazhdohet nga e gjithë populli në mbarë Rusinë dhe mbarë botën që e nderojnë atë dhe luftën e tij për liri, demokraci dhe të drejta të njeriut”.
Autoritetet ruse njoftuan më 16 shkurt se Navalny, 47 vjeç, vdiq papritur teksa po mbahej në burg. Nëna e tij Lyudmila Navalnaya tha të enjten se autoritetet e lejuan që ta shihte trupin e të birit, por tha se ata po tentonin ta “shantazhonin” duke i kërkuar që ta varrosë të birin në mënyrë sekrete.