U bënë dy puntata që Ledion Liço ndodhet në krye të prezantimit të Big Brother Vip 3, pozicion ky që ‘i besohet’ pas disa vitesh, pasi ka prezantuar edhe Big Brother të tjerë në vitet e kaluara. Ajo që bie në sy janë veprimet e çuditshme që Ledioni bën dhe kjo duket se është një strategji e tij për t’u bërë ‘meme’ për t’u diskutuar sa më shumë për të në rrjet. Ai sillet përpara kamerave sikur është shumë popullor dhe bën gabime siç mund të bëjë çdokush nga ne, del pa skaletë për të treguar se çdo gjë që ndodh është spontane nga ana e tij, madje-madje, nuk mban mend as emrat e VIP-ave që ai dhe kasti kanë zgjedhur për të dhënë një shembull në një nga televizionet kombëtare në vend.
Mund të mirëkuptohet kur bëhet fjala për gabime nga shpejtësia ose lodhja si pasojë e emisionit të gjatë, por a mund të tolerohen gabimet logjike dhe që e tregojnë injorant kur bëhet fjalë për termat? Terma për të cilët shqiptarët janë vrarë në të gjithë kuptimin e fjalës.
Mbrëmjen e kaluar, teksa ai po pyeste se djemtë e cilit qytetet do të dominonin në këtë Big Brother, u shpreh (nga pakujdesia ose injoranca) se fierakët dhe vlonjatët janë lalucë.
Pikë së pari Ledioni duhet të mësojë se fierarët quhen lalucë ndërsa vlonjatët quhen lebër. Dikush t’i mësojë Ledionit se vlonjatët nuk e kanë bërë kot atë gropën që kanë në mes të kraharorit që ai t’i quajë lalucë. Nuk kanë vrarë e prerë kot kur i kanë quajtur padashje lalucë. Duhet të ketë kujdes për herët e tjera pasi Fieri dhe Vlora kanë qenë gjithë jetës së tyre dy qytete që nuk e kanë dashur shumë njëri-tjetrin dhe nëse interesohet më shumë, do kuptojë që edhe njerëzit e qyteteve përkatëse e kanë për ofendim që t’ju ngatërrosh termat, aq më pak vlonjatëve.
Ledion, edhe sikur të kesh dashurinë e të gjithë shqiptarëve, me vlonjatët dhe fierakët sapo u bërë ‘armik’…/ Klara Murra