Ajo që njihet gjerësisht si e Hëna Blu, apo dita më stresuese e vitit është e Hëna e tretë e Janarit. Këtë vit, kjo ditë e zymtë do të jetë më 15 janar. Nuk ka mjaftueshëm shpjegime shkencore se çfarë fshihet pas të Hënës Blu, por ka disa arsye se pse kjo ditë na bën të ndihemi më të trishtuar se zakonisht.
LLogaritet e kjo është koha kur kanadezët shohin më pak diell, njerëzit në përgjithësi nuk kanë shumë oreks për të ngrënë dhe nisin e kuptojnë se nga gjithë ato plane që bënë për Vitin e Ri, deri më tani asgjë nuk ka ndryshuar, pa llogaritur borxhet apo dëshirën që ditët e ftohta të mbarojnë sa më shpejt.
Megjithatë, neuroshkencëtari Dean Burnett, thotë se ky koncept është një shpikje e njerëzimit pasi nuk ka asnjë arsye pse duhet të quhet dita me stresuese e vitit. Ideja për të hënën blu sipas disa faqeve website lindi për herë të parë në vitin 2005 nga një agjenci udhëtimesh me emrin Sky Travel, dhe u quajt dita ku askush nuk ka dëshirë të udhëtojë nën qiellin gri dhe kjo agjenci e përdori termin për të ngjallur më shumë interes e për të tërhequr më shumë klientë.
Neuroshkencëtari thotë se nuk ekziston depresioni 24 orësh. Sipas tij shëndeti mendor nuk funksionon në këtë mënyrë të përcaktuari me ditë dhe nëse ka njerëz që e besojnë mund të jetë e dëmshme psikologjikisht. Ne fakt, mesi i janarit logjikshëm është i zymtë, i lodhshëm, është faza kur trupi mësohet me ndryshimet pas festave, më pak ushqim, më pak muzikë në sfond, më pak udhëtime, ftohtë dhe rikthim në rutinën e përditshme pa njerëz të afërt rrotull.
