Presidenti i SHBA Joe Biden dhe Donald Trump kanë sulmuar njëri-tjetrin ndërsa fushata e Shtëpisë së Bardhë 2024 për zgjedhjet e ardhshme, po nxehet.
Biden tha se një pjesë e motivimit të tij për të kandiduar për një mandat të dytë vitin e ardhshëm është të pengojë republikanin, duke shtuar se nuk mund ta lejojë atë, pra Trumpin, të fitojë.
“Nëse Trump nuk do të kandidonte, nuk jam i sigurt se do të kandidoj. Por ne nuk mund ta lëmë atë të fitojë”, tha presidenti amerikan.
Nga ana tjetër, Trump tha se ai se Biden ishte shumë i vjetër për të vijuar karrierën e tij politike.
Deri tani asnjëri nga kandidatët nuk është ende kandidati zyrtar i partisë së tyre përkatëse. Sondazhet aktuale tregojnë një garë hipotetike të ngushtë midis të dyve.
Trump po anashkalon debatin e katërt presidencial republikan, i cili do të mbahet të mërkurën në Alabama.
