Një ngjarje e rëndë ka ndodhur në Maqedoninë e Veriut. Një e mitur 14-vjeçare është gjetur e vrarë, pasi ishte zhdukur që prej datës 27 nëntor. Po ashtu Prokuroria njoftoi se pranë trupit të vajzës është gjetur edhe ai i 74-vjeçarit Pançe Zhezhovski.
Të dy trupat janë gjetur në rrethinën e Velesit nga ana e policisë. Sipas prokurorisë pas vrasjeve qëndrojnë të njëjtët persona të dyshuar me kombësi maqedonase.
Sipas autoriteteve vajza Vanja Gjorgjievska është marrë me automjet nga hyrja e banesës së saj dhe është konstatuar se është vrarë të njëjtën ditë rreth orës 10:00. Sipas deklaratave të vajzës së 74-vjeçarit që punonte si berber, dy viktimat nuk njiheshin me njëri-tjetrin. Mes 5 personave që janë të dyshuar si të përfshirë në vrasjen e 14-vjeçares, Vanja Gjorçevska është dhe babai i saj, shkruajnë mediat në Maqedoninë e Veriut.
Babai i 14-vjeçares marrë në pyetje nga ana e policisë gjatë natës së mbrëmshme. Një tjetër i dyshuar mendohet se është larguar jashtë vendit. Megjithatë policia pritet të japë edhe një deklaratë gjatë ditës së sotme.