Një ngjarje e rëndë është shënuar në futbollin shqiptar, ku kapiteni i Egnatias, Raphael Duamena ka humbur jetën në spitalin e Durrësit. Raphael Duamena humbi ndjenjat në fushën e blertë teksa luhej ndeshja Egnatia-Partizani. Edhe pse mjekët e skuadrës dhe më pas spitali i dhanë ndihmën e parë, futbollisti ganez nuk ja doli dot.
Raportohet se 28-vjeçari Duamena është diagnostikuar nga një problem në zemër dhe në vitin 2020 u detyrua të vendoste defibrilator për të shmangur arrestet kardiake, para se të firmoste me Real Saragozën.
Mjekët e kanë këshilluar të braktisë futbollin profesionist, pasi zemra e tij mund të mos e përballojë më, por Duamena ka vepruar kundër këshillave të tyre. Ai ka pësuar kolaps edhe dy herë të tjera, njëherë kur ishte te Saragoza në Spanjë dhe njëherë te Linz në futbollin austriak. Në të dyja rastet ai pësoi kolaps, gjë që çoi në kërkesën që të braktiste idetë e tij për të vazhduar në futbollin profesionist. Futbollistët dhe tifozët kanë mbetur të shokuar nga kjo ngjarje e rëndë.