Real Madridi mposhti në “Bernabeu” Sporting Bragën 3-0 dhe siguroi matematiksht kualifikimin në të 16-at e Ligës së Kampioneve. Pasi Xhalo humbi një penallti në minutën e 6 për portugezët, për “Los Blankos” realizuan Diaz, Vinicius dhe Rodrigo.
4 fitore nga 4 takime për skuadrën e drejtuar nga Carlo Ancelotti në Grupin C. Në vend të dytë Napoli me 5 pikë më pak, ndërsa barazoi në shtëpi me Union Berlin. Një fitore të rëndësishme mori edhe Arsenali në “Emirates” kundër Sevillas me rezultatin 2-0.
“Topçinjtë” fituan falë golave të Trusard në të 29 dhe Saka-s në të 64’.
Anglezët shkojnë në kuotën e 9 pikëve, ndërsa spanjollët ngelen në vend të fundit me 2 pikë. Në takimin tjetër, PSV mundi Lens 1-0 me gol të De Jong. Hollandezët janë të dytët me 5 pikë, po aq sa edhe francezët.
Harry Kane i dha kualifikimin Bayern Munchen kundër Galatasaray. Në përballjen tjetër të Grupit A , Manchester United gaboi kundër Kopenhagen. “Djajtë e kuq” pas 28 minutash kryesonin 2-0 falë golave të Hojlund. Në të 42, ngelën me 10 lojtarë në fushë pasi Rashford u ndëshkua me karton të kuq.
Por në fund të pjesës së parë, danezët barazuan me Elounosi dhe Gonçalves. Bruno Alvesh u solli shpresë anglezëve në të 69’. Por danezët u përgjigjën me Lerager dhe Barxhi, duke fituar e duke i kaluar në renditje.