Përfaqësuesi i Shteteve të Bashkuara në OKB, Robert Wood kërkoi që personat e përfshirë në sulmin e Banjskës të marrin përgjegjësi për sulmin e 24 shtatorit në Banjskë në veri të Kosovës.
“Personat që janë larguar për në një shtet tjetër duhet të ekstradohen dhe ndiqen penalisht”, tha përfaqësuesi i SHBA-së.
SHBA tha se po punon me Bashkimin Evropian dhe partnerët e NATO-s për të ndihmuar që veriu i Kosovës, i banuar me shumicë serbe, të jetë i qetë dhe të mos ketë trazira.
Washingtoni u bëri thirrje palëve që të kthehen në dialog, të përgatitur që të ndërmarrin hapa konkretë përpara.