Me ndryshimin e temperaturave rritet edhe rreziku për t’u prekur nga viruset. Imuniteti në këtë periudhë dobësohet dhe priret të jetë më i ekspozuar ndaj baktereve dhe sëmundjeve.
Fillimisht, duhet të siguroheni të merrni lëndët e nevojshme ushqyese dhe vitaminat që të mund të mbroni organizmin.
Për të pasur një imunetit më të fortë iu duhet dhe një gjum i mirë ku trupi juaj mund të pushojë mirë.
Hormonet e sekretuara gjatë gjumit kanë shumë përfitime në aspekte të ndryshme të metabolizmit, si dhe janë shumë të rëndësishme për imunitetin.
Përveç kësaj, një dietë e ekuilibruar dhe korrekte dhe konsumimi i proteinave, vitaminave, mineraleve dhe antioksidantëve sipas nevojës janë jashtëzakonisht të rëndësishme për imunitetin.
Vitamina C
Rregullon përgjigjen imune humorale dhe qelizore duke mbështetur diferencimin dhe përhapjen e limfociteve B dhe T, të cilat janë jashtëzakonisht të rëndësishme në rregullimin e imunitetit tonë. Frutat dhe perimet si agrumet, kivi, specat e freskët jeshil dhe të kuq, lakra jeshile, majdanozi, lulelakra dhe spinaqi janë burime të vitaminës C.
Vitamina D
Vitamina D, rëndësia e së cilës u kuptua më mirë gjatë periudhës së pandemisë, doli në pah në imunitet si dhe në efektet e shumta të dobishme të saj. U vu re se rastet me vitaminë të ulët D kishin një infeksion më të rëndë me koronavirus.
Mikrobiotë e zorrëve
Bakteret miqësore në zorrë janë gjithashtu të rëndësishme për imunitetin e mirë. Ushqimet e fermentuara si lakër turshi, jogurti dhe kefiri janë ushqime që përmbajnë baktere të mira (probiotikë).
Zinku
Është një antioksidant i rëndësishëm në imunitet. Minerali i zinkut është i nevojshëm gjatë procesit të maturimit të limfociteve T. Gjithashtu na ndihmon të mbrohemi përpara se të marrim sëmundjen.