Presidenti rus Vladimir Putin është takuar me një nga ish-komandantët më të lartë të grupit mercenar Wagner, për të cilin Kremlini thotë se tani punon për ministrinë e mbrojtjes.
Andrei Troshev është një ish ndihmës i shefit të ndjerë të Wagner, Yevgeny Prigozhin, i cili u vra në një aksident ajror në gusht. Vdekja e tij erdhi dy muaj pasi trupat e Wagner marshuan në Moskë. Presidenti Putin i kërkoi Troshevit të mbikëqyrte njësitë luftarake vullnetare në Ukrainë.
Duke iu drejtuar Troshev, presidenti tha se ai mund të organizojë njësi vullnetare që kryejnë detyra të ndryshme luftarake, mbi të gjitha, në zonën e një operacioni të posaçëm ushtarak, duke iu referuar Ukrainës.
“Ju dini për çështjet që duhet të zgjidhen paraprakisht në mënyrë që puna luftarake të shkojë në mënyrën më të mirë dhe më të suksesshme”, shtoi Putin.
