Numri i njerëzve që janë prekur nga presioni i lartë të gjakut është dyfishuar në 1.3 miliardë në pothuajse tre dekada, sipas një raporti të Organizatës Botërore të Shëndetësisë që tregon se trajtimi më i mirë mund të shmangë 76 milionë vdekje deri në vitin 2050.
“Programet e kontrollit të hipertensionit mbeten të neglizhuara, nën prioritet dhe shumë të nënfinancuara”, tha në një deklaratë të martën Drejtori i Përgjithshëm i OBSH-së Tedros Adhanom Ghebreyesus.
Disa ilaçe të thjeshta dhe me kosto të ulët mund ta vënë atë nën kontroll, por pothuajse gjysma e njerëzve që vuajnë nga hipertensioni nuk e dinë gjendjen e tyre.
Më shumë se tre të katërtat e tyre jetojnë në vende me të ardhura të ulëta dhe të mesme. Kjo e bën të pamundur kurimin e hipertensionit për këta persona.