Mjalti, përveçse një ushqim mjaft i shëndetshëm, është edhe i dobishëm për lëkurën dhe pastrimin e saj. Shpesh në këshillat e bukurisë shohim se mjalti sugjerohet të përdoret edhe si maskë.
Po ashtu, mjalti ka disa veti kundër plakjes, ndaj është e këshillueshme që ta bëni pjesë të rutinës suaj në përkujdesjen e lëkurës.
Maskë me mjaltë
Njerëzit që vuajnë nga lëkura e thatë apo ekzema duhet të përdorin mjaltin. Mjalti është veçanërisht i rekomandueshëm në dimër kur lëkura thahet ndjeshëm. Lyejeni lëkurën me mjaltë në mbrëmje, mbajeni një orë dhe më pas shpëlajeni me ujë të ngrohtë.
Larja e lëkurës
Njerëzit që kanë akne si pasojë e lëkurës së thatë mund të gjejnë shpëtim tek mjalti. Përzieni një lugë çaji me mjaltë, lëngun e një limoni dhe dy lugë çaji me ujë. Me këtë masë kremoze mund të lani lëkurën. Limoni do të eliminojë qelizat e vdekura ndërsa mjalti do ta ushqejë lëkurën me vitamina.
Kundër plakjes
Ju mund të përgatisni një maskë për lëkurën që të luftojë shenjat e plakjes. Përzieni dy lugë gjelle me mjaltë, çerek avokadoje, një lugë çaji me tërshërë të thatë dhe dy lugë çaji me lëng limoni. Kjo maskë do të pastrojë lëkurën dhe do ta ushqejë atë me vitaminë E dhe antioksidantë. Kjo maskë mund të aplikohet disa herë në javë ndërkohë që rezultatet e para vërehen pas një muaji.
