Partizani e fitoi edhe takimin e kthimit në “Elbasan Arena” kundër Valmieras dhe siguroi kualifikimin për në fazën play-off të Ligës së Konferencës. Takimi u vendos nga goli i Tedi Carës i cili realizoi me penallti në minutën e 21-tw të lojës.
Pas avantazhit, të kuqtë menaxhuan rezultatin duke mos lejuar letonezët të shënonin. Rivali i radhës i Partizanit do të jetë skuadra kazake e Astanës. Sfida e parë do të luhet më 24 gusht në transfertë.
Suksesin e Partizanit e përshëndeti edhe presidenti i FSHF Armand Duka.
Me një status në Facebook, kreu i federatës tha se të kuqve u duhet edhe një sforco e fundit, “dy finale të vërteta për të regjistruar një arritje historike, kalimin në fazën e grupeve të këtij kompeticioni.”
Edhe Struga siguroi kualifikimin për në fazën play-off të Ligës së Konferencës. Ekipi i drejtuar nga Shpëtim Duro humbi takimin në transfertë 2-1 kundër Esperanzh, por fitoi me rezultatin e përgjithshëm 4-3.
Kundërshtari i radhës i kampionëve të Maqedonisë se Veriut do të ekipi islandez i Brei-dablik. Ballkani eliminoi Lincoln Red me rezultatin e përgjithshëm 5-1 dhe siguroi për herë të dytë radhazi kualifikimin në raundin “play-off” të Ligës së Konferencës.
Skuadra e drejtuar nga Ilir Daja do të ndeshet me Bate Borisov.