Real Madridi e nisi me fitore sezonin e ri 2023-2024! “Galaktikët” fituan me rezultatin 2-0 kundër Atletik Bilbaos në stadiumin “San Mames”. “Los Blankos” shënuan golin e parë në minutën e 28 të lojës me anë të Rodrigos. Edhe Jude Bellingham la shenjën e tij në këtë përballje.
Britaniku realizoi golin e parë zyrtar me fanellën e Realit në minutën e 36-të të lojës. Pas përfundimit të sfidës, trajneri Carlo Ancelotti komentoi suksesin e arritur.
‘Kontrolluam mirë lojën! Kur ka përkushtim, ne jemi më të fortë. Kemi rikuperuar shumë topa në pjesën e parë. Krahët kanë punuar shumë mirë. Bellingam është unik! Ka shumë personalitet! Me këtë skemë jemi komodë dhe po punojmë mirë’, u shpreh Ancelotti.
Dy sfidat e tjera të luajtura ditën e djeshme Real Sociedad-Girona dhe Las Palmas-Mallorca, përfunduan në barazim 1-1.
