Andre Onana nuk është më një futbollist i Interit. Portieri kamerunas u ka thënë lamtumirën shokëve të ekipit dhe është larguar nga Appiano Gentile në drejtim të Manchester.
Klubi zikaltër dhe “Djajtë e kuq” kanë finalizuar gjithçka gjatë mbrëmjes të së hënës dhe zyrtarizimi i transferimit do të bëhet menjëherë sapo portieri kamerunas të kalojë vizitat mjekësore raporton Sportmediaset
Interi do të përfitojë 55 milionë euro përfshirë edhe bonueset nga shitja 27-vjeçarit.
Por do të humbë një futbollist i cili la shenjën e tij në vetëm një sezon si në fushë ashtu edhe jashtë saj.
Një futbollist që pëlqehet së tepërmi nga drejtuesit zikaltër për portën është Jan Zomer, i cili nuk ka dëshirë që të qëndrojë portieri i dytë të Bayern Mynih. Ndërkohë që alternativë e dytë për portën zikaltër duket se do të jetë Trubin me Handanoviç të larguar.
Interi është gati që të paguajë 6 milionë euro për Sommer te kampionët bavarezë, ndërkohë që nuk është dakord të shpenzojë 13 milionë euro te Shahtjor për ukrainasin, të cilit i mbaron kontrata pas një viti.