Mason Mount ka përshëndetur Chelsea-n, pasi zyrtarizoi marrëveshjen me Manchester United. Me një falënderim emocionues, Mount përshëndeti shokët e skuadrës dhe kampin e “bluve” të Londrës, prej kur bëri debutimin e tij të parë, nën menaxhimin e Frank Lampard, Thomas Tuchel dhe Graham Potter.
“Kam marrë vendimin të largohem nga Chelsea”, tha 24-vjeçari. Mendoj se meritoni më shumë se një deklaratë me shkrim, kështu që doja t’ju tregoja drejtpërdrejt se sa mirënjohës kam qenë për të gjithë mbështetjen tuaj gjatë 18 viteve të fundit. E di që disa prej jush nuk do të jenë të kënaqur me vendimin tim, por është ajo që është e duhura për mua në këtë moment në karrierën time”, ka thënë Mount.
Chelsea refuzoi tre ofertat e para të United për Mount përpara se të arrihej një marrëveshje.
Ai do të jetë nënshkrimi i parë i Erik ten Hag gjatë verës, pasi trajneri holandez kërkon të forcojë skuadrën e tij pas kualifikimit të United për Ligën e Kampionëve sezonin e ardhshëm.
Ai është lojtari i fundit i Chelseat që do të largohet nga klubi këtë verë, pas N’Golo Kante, Kalidou Koulibaly, Kai Havertz, Ruben Loftus-Cheek dhe Mateo Kovacic që tashmë janë larguar.